Марко

Поли Марко

Ÿнерçĕ. Вĕренÿ: Шупашкар ÿнер училищи (дизайнер-преподаватель). 2017 ç.; А. И. Герцен ячĕллĕ РГПУ (ÿнер вĕренĕвĕн институчĕ), 2022 ç.; А. Л. Шиглиц ячĕллĕ СПБГХПА (магистратура, «Ÿнерлĕ текстиль»), 2024 ç. Ăна харпăрлăх шыравĕ тата çĕнĕ персонаж (цветочеловек) тăвасси тата чăваш искусствин традицийĕсене тĕпчесе хăйĕн курăмлахĕпе пĕрлештересси кăсăклантарать. 2025 ç. Санкт Петербургри HOY GALLERY «ЭСĔ – ТĔНЧЕ» ушкăнла куравăн хутшăнаканĕ, “iNTERIOR + DESIGN” 2025 преми номинанчĕ, «Раççейре шухăшласа кăларса тунă» 2024 преми номинанчĕ, TRAFF хальхи искусство ярмăркинчевиççĕмĕш вырăнĕнче 2024 хутшăнаканĕ. YOU, COMMODE, OZON, ТВОЕ брендсемпе тата «Çамрăк искусствовед» журналпа ĕçленĕ, Сергей Потанин фончĕ «ВЕЩЬ ТЕБЕ» конкурс ăшĕнче пулăшнипе В. И. Даль ячĕллĕ Раççей литератури историйĕн патшалăх музейĕпе ĕçленĕ май Переделкино хулинчи Пастернак çурт-музейĕ валли сувернир продукцийĕ тунă.

«Тупра»
пир-авăр, 2024

«Тупра» пир-авăр ярăмĕ традициллĕ пир искусствине çемье еткерлĕхĕ урлă ăнланнине кăтартать. Твăрчество тишкерĕвĕн никĕсĕнче ÿнерçĕ пулнă мăн асаннен çемье архивĕнче сыхланса юлнă тĕрĕсем пулчĕç, вĕсем культура çыхăнăвĕн тата хальхи ÿнер уçлăхĕнче халăх ал-ĕçĕ трансформациленнин пуçламăшĕнче тăчĕç. Проектăн тĕп элеменчĕ сурпан – ал шăлли евĕрлĕ чăваш наци пуçа тăхăнмалли – стилистикипе тунă çичĕ пир пулса тăрать. Суйласа илнĕ тÿрĕ кĕтеслĕ геометри форми пир-авăр традицийĕсем патне ăнкаруллăн ярать, çав вăхăтрах туй арчисене илемлетнĕ традициллĕ татăк-кĕсĕк кавирсене аса илтерет. Проекта уйрăм концептуаллă тарăнлăх икĕ тĕп пусма çинче ÿкерĕннĕ ăрусен калаçăвĕ кĕртет.
Вĕсенчен пĕри мăн асанне традици хÿтелевçи пулнин сăнарне кăтартать, тепри – ÿкерçĕ еткере тивĕç тата çав еткерĕн интерпретаторĕ пулнине кăтартакан автопортречĕ. Çакăн пек пăхни ĕçе çемьери культура астăвăмне визуаллă тишкерме пулăшакан механизм пек пăхма май парать.